Dedicate to all those who Forget their parents aftre marraige.

 

Jab tu paida huwa kitna majboor tha
Yeh jahan teri sonch se bhi door tha...

Haath paaon bhi tab tere apney na thay
Teri ankhon main duniya ke sapney na thay...

Tujh ko aata sirf rona hi tha
Doodh pi ke kaam tera sona hi tha...

Tujh ko chalna sikhaya tha maa ne teri
Tujh ko dil main basaya tha maa ne teri...

Maa ke saaye main parwaan chadne laga
Waqt ke sath qad tera badne laga...

Dhirey dhirey tu kadiyal jawan ho gaya
Tujh pe saara jahan meharban ho gaya...

Zor-e- bazoo pe tu baat karne laga
Khud hi sajney laga khud sanwarney laga...

Ek din ek ladki tujhe bhaa gayei
Ban ke dulhan woh tere ghar agayei...

Ab faraayez se tu door honay laga
Beej nafrat ka khud hi tu boney laga...

Phir tu maa baap ko bhi bhulaaney laga
Teer baton ke phir tu chalaney laga...

Baat be baat unn se tu ladney laga
Qayda ek naya tu phir padnay laga...

Yaad kar tujh se maa ne kaha ek din
Abb humara guzara nahin tere bin...

Sunn ke yeh baat tu tayesh main agaya
Tera gussa teri aqal ko kha ga